Thursday, 9 October 2014

ಪದ ಮೂಡುವ ಮುನ್ನ ...

ಬರೆಯಲು ಕುಳಿತಾಗಲೆಲ್ಲ 
ಪದ ಮೂಡುವ ಮುಂಚೆ 
ಮುಚ್ಚಿದ್ದ ಕದವ ತಟ್ಟಿದ್ದು 
ನೆನಪಾಗುವುದು .

ನೋವು ನಲಿವಾದರೆ ಚೆನ್ನ 
ನಲಿವಿಗಾಗಿ ನೋವ ಹುಡುಕುವುದು 
ತಪ್ಪಾಗುವುದು .


ಖಾಲಿ ಹಾಳೆಯ ಮೇಲೇನಿಲ್ಲಾ 
ಆದರೇನು ಮಾಡಲಿ ಬರೆದರದು 
ತುಂಬುವುದು .

ಮುಗ್ದ ಮನಸ್ಸು ಪ್ರಸವಿಸಿ 
ತೊದಲು ರಾತ್ರಿ - ಮತ್ತೆ ಬಸುರಿ 
ಬಯಕೆಯಾಗುವುದು.

                      ಚಿತ್ರ ಕೃಪೆ : ಗೂಗಲ್ ಇಮೇಜಸ್ 

Monday, 6 October 2014

ನಯನಾಯುಧ

ಆಯುಧವನೆಲ್ಲಾ 
ಪೂಜೆಗಿಟ್ಟಿದ್ದೇನೆ 
ಭಯವಿಲ್ಲ ಬನ್ನಿ 
ಎಂದೆ .....
ನಂಬಿ ಬಂದ ನನ್ನ 
ಕ್ಷಣ ಮಾತ್ರದಲಿ 

..................
..................
..................

ನಿನ್ನ ನಯನದಿಂದ
ಕೊಂದೆ ........!!



                    ಚಿತ್ರ ಕೃಪೆ : ಗೂಗಲ್ ಇಮೇಜಸ್