Thursday, 11 September 2014

ಹುಸಿ ಬೆಸುಗೆ

ಮಳೆಯೇ .. ಮತ್ತೇಕೆ ಮರಳಿದೆ 
ಇಂದು ಸಂಜೆ ಬರುವ ಸುಳಿವ 
ನೀಡಲು ಮತ್ತದೇ ..ನೆನ್ನೆಯ ಕನಸಿಗೆ 

ನೀ..ಇಂದೂ ಹಸಿ ಮಣ್ಣ ವಾಸನೆ 
ಮರಳುಮರುಳುಮರೀಚಿಕೆ ವರ್ಣನೆ
ತಾವರೆಯಂದ ಅರಳು ಮುಂಜಾನೆಗೆ
ಇರುಳ ಅನುಕ್ಷಣದಲಿ ಉಷೆಯ ನಿರೀಕ್ಷೆಗೆ
ಹೊಸ ಉಸಿರಿನ ಜೊತೆಗೊಂದು ಬೆಸುಗೆ.

 
ನಾ..,
ಭಗ್ನ ಪ್ರೀತಿಯ ಬೇಗೆ  
ಬಿಟ್ಟು ಬಿಡು ಉರಿಯಲಿ ಹಾಗೇ ...
ಯಾರೂ "ಇರದ - ಬರದ" ಕಾಡಿನಲಿ
ಸಿಡಿದುರಿದು ನೊಂದು ಬೆಂದು ಬೇಯ್ದ
ಕಾಡ್ಗಿಚ್ಚಿನೊಡಲ ಸೌದೆಯಂತೆ.

ಮಳೆಯೇ .. ಮತ್ತೇಕೆ ಮರಳಿದೆ
 
ಇಂದು ಸಂಜೆ ಬರುವ ಸುಳಿವ 
ನೀಡಲು ಮತ್ತದೇ ..ನೆನ್ನೆಯ ಕನಸಿಗೆ.


                                             ಚಿತ್ರ ಕೃಪೆ : ಗೂಗಲ್ ಇಮೇಜಸ್ 

No comments:

Post a Comment