ಮಾತು ಮುಗಿಯಿತು:ಮೂಡಲಿ ಬದುಕು.

"ಪ್ರೀತಿಸಿದ್ದೆ" ಎಂದೊಮ್ಮೆ ನೀ ..

ಹೇಳಿದ್ದರೆ ಸಾಕಿತ್ತು ನನಗೆ

ತೋಳ್ಗೆ ತೋಳ್ ಬಳಸಿ ನಾ ..

ಬಂಧಿಸಿ - ಬಂಧಿಯಾಗುತಿದ್ದೆ

ನಿನ್ನೆದೆಯಲ್ಲಿ ನಾನಿದ್ದೆನಾ.!!

ಕದ್ದು ನೋಡಲಾಗಲಿಲ್ಲ

ಮನ್ನಿಸು.

ನನ್ನೆದೆಗೂಡಿತ್ತು ಖಾಲಿ ನೆನ್ನೆ!!

ಇಂದು ಹರಾಜಿನಂಗಡಿಯಲ್ಲಿ

ಕ್ಷಮಿಸು.

ಮನೆಯೊಡೆಯ ತಂದೆಯಂತೆ

ಮರು ಮಾತನಾಡಬಾರದಂತ್ತೆ

ಹೆತ್ತವಳವಳು  ಹಿತೈಷಿಯಂತೆ

ತವರ ಬಾಗಿನದ ಕೈ ಬಿಡದಂತ್ತೆ

ನರಳದಿರು ಗೆಳೆಯಾ.. ಇರುಳು

ನೀ..ಹಗೆಯ ಹಗಲಲ್ಲಿ ಬೆವತಿದ್ದೀ

ನಾ..ಹೊನಲ ರಾತ್ರಿಗೆ ಜಾರಿದ್ದೇನೆ

ಮಾತು ಮುಗಿಯಿತು: ಮೂಡಲಿ ಬದುಕು.

ನಿಶೆಗೆ ಶರಣಾಗುವ ಹುಡುಗೀ..

ನೀ ಮಾತು ಮುಗಿಸಿ ಬಿಟ್ಟಿದ್ದೀಯಾ

ನಶೆಗೆ ಮರುಳಾಗುವ ಹುಡುಗಾ..

ನಾ ಮತ್ತು ಮರೆತು ಕೇಳುತಿದ್ದೇನೆ

ಎನ್ನೆದೆಗೊರಗಿ ನೀ ಕೇಳಿದ್ದ  ಸದ್ದು

ಅವನೆದೆಯ ಬಡಿತದಲ್ಲೂ ಮಿಡಿದಿದೆಯಾ ..?

ಗಟ್ಟಿಮೇಳಕೆ ಕಣ್ಣ ಹಣತೆಯಲ್ಲಾಡಿದ ಭಾವ

ಅಂತಃಪುರ ಕನ್ನಡಿಯಲ್ಲಿನ್ನೂ ಮೂಡಿದೆಯಾ..??

ಮಾತು ಮುಗಿಯಿತು:ಮೂಡಲಿ ಬದುಕು.


                           ಚಿತ್ರಕೃಪೆ:ಗೂಗಲ್ ಇಮೇಜಸ್